“Qarabağdakı Rusiya sülhməramlıları öz missiyalarından kənara çıxıblar”.
Alp.az xəbər verir ki, bunu haqqin.az-a açıqlamasında rusiyalı politoloq, Etnik və Beynəlxalq Araşdırmalar Mərkəzinin elmi direktoru, “Arxont” jurnalının baş redaktoru Anton Bredixin deyib. O, Qarabağda Rusiya sülhməramlı qüvvələrinin SNQ məkanında millətlərarası münaqişələr zonasında heç vaxt etmədiklərini, yəni sülhməramlıların səlahiyyətlərinə aid olmayan funksiyaları yerinə yetirdiyini deyib.
“Rusiya sülhməramlılarının Abxaziya, Cənubi Osetiya, Dnestryanı bölgədəki funksiyaları və Qarabağda həyata keçirdikləri fəaliyyətlər arasında böyük fərq var. Onların əsas fəaliyyəti münaqişə tərəflərini ayırmaq olub, Qarabağda isə sülhməramlılar xəstəxanalar tikir, məktəbləri təmir edir, kənd təsərrüfatı texnikasını təmir edir, fermerlərə mineral gübrələrlə kömək edir, qazlaşdırma aparır və s.”, – A.Bredixin deyib.
“Sülhməramlıların qeyri-hərbi vəzifələri ola bilər: hərbi əməliyyatların qurbanlarına kömək etmək, əldə edilmiş razılaşmaların şərtlərinə əməl olunmasına nəzarət etmək və s., lakin Qarabağdakı Rusiya sülhməramlıları sülhməramlı kontingentin bilavasitə missiyasından xeyli kənara çıxıblar”.
Təhlilçinin fikrincə, çox güman ki, bunun nəticəsi budur – bir tərəfdən Qarabağın erməni əhalisinin ümidsizliyi, regionu özbaşına bərpa etməyə imkanı və gücü olmaması, digər tərəfdən Ermənistanın iqtisadi çöküşünün nəticəsi, xarici investisiyaların olmaması.
A.Bredixin hesab edir ki, Qarabağda infrastrukturun yaradılması ilə sülhməramlılar deyil, Azərbaycan hökuməti məşğul olmalıdır.
