“Araik Arutunyan Rusiya Xüsusi Xidmət orqanları ilə əməkdaşlıq edir. Ermənistan rəhbərliyinin Türkiyə ilə münasibətlərinin yaxşılaşması yolunda atdığı addımlar Araiki və komandasını qıcıqlandırır. Sülhməramlıların nəzarətində olan ərazi indiki halda nə Azərbaycanın , nə də Ermənistanın nəzarətindədir. Bu onunla bağlıdır ki, Araik və onun komandası hal-hazırda Rusiyanın himayəssinə sığınıb.”-bu fikirlər erməni politoloq Tevos Arşakyanın verdiyi müsahibədəndir.
Alp.az xəbər verir ki, erməni politoloq Qarabağda əhalinin say tərkibi toxunaraq qeyd edib ki, Araik Arutunyan üçün Xankəndi və yaxud Ağdərədə yaşayan ermənilər maraqlı deyil. “Araikə yaxın olan adamlar Qarabağda yaxşı vəziyyətdə yaşayır. Nə baş verir? İnsanlar niyə narazıdır? Statistikaya görə son 3 ay ərzində Qarabağı 5000 nəfər erməni tərk edib. Tərk edənlər əsasən Qarabağda doğulanlardır. Araik əraziyə Suriyadan və İraqdan özünə yaxın olan erməniləri yerləşdirir. Mən Paşinyan hakimiyyətinin siyasətindən narazıyam. Amma Araik erməni xalqının genefondunu məhv edir.”-deyə Tevos Arşakyan bildirib.






















