“İnqilab Keşikçiləri Korpusunun Baş Qərargahının müfəttiş müavininin ölümü təşkilatdaxili hesablaşma ilə bağlı olub”.
Alp.az xəbər verir ki, bu barədə “AvaToday” xəbər ajansı məlumat verib.
Bildirilir ki, Sepah-ın İctimaiyyətlə Əlaqələr şöbəsi fevralın 15-də sözügedən təşkilatın müfəttişinin müavini Mehdi Məhdəvinejadın ölümü ilə bağlı xəbər yayıb.
Məumatda qeyd olunub ki, Məhdəvinejad Sepah-ın daxilindəki hesablaşmalar nəticəsində aradan götürülüb.
Məhdəvinejadın şübhəli ölümündən sonra onun ailəsi məsələ haqqında araşdırılma aparılmasını tələb etsə də, Sepah-ın Kəşfiyyatın Mühafizəsi Təşkilatı dərhal generalın ailə üzvləri ilə əlaqə yaradaraq onların rəsmi məlumatdan başqa heç bir araşdırma aparmağa haqlarının olmadığını bildirib.
