ABŞ prezidenti Co Baydenin Rusiya prezidenti Vladimir Putinlə danışmaq niyyəti yoxdur.
Bu barədə cümə axşamı Ağ Evin ictimaiyyətlə əlaqələr üzrə direktoru Keyt Bedinqfild CNN telekanalında bildirib.
Onun sözlərinə görə, istənilən söhbət Rusiyadan Ukraynada “böyük deeskalasiya” tələb edəcək və iki lider arasında münasibətlərin bərpası üçün yüksək bir əngəl təşkil edəcək.
“Hazırda yox. Bizə aydın idi ki, bu səviyyədə diplomatiyanın hər hansı bərpası ruslardan faktiki olaraq böyük bir deeskalasiya nümayiş etdirməyi tələb edəcək və biz bunu görməmişik”, – Bedinqfild deyib.
Ağ Ev sözçüsünün fikrindən belə nəticə çıxarmaq olar ki, ABŞ və Rusiya prezidentlərinin görüşü yalnız Ukraynada atəşkəs əldə olunduqdan sonra mümkündür.
UNIAN-ın daha əvvəl xəbər verdiyi kimi, ABŞ prezidenti Co Bayden Rusiya lideri Vladimir Putinin özünü təcrid etdiyinə dair əlamətlər gördüyünü açıqlayıb.
“Görünür, o, özünü təcrid edib. Və bəzi əlamətlər var ki, o, bəzi müşavirlərini işdən çıxarıb və ya ev dustağı edib”, – amerikalı başçı bildirib.
Rüfət
Alp.Az
