“Rusiya prezidenti Vladimir Putin taktiki nüvə silahından istifadəyə və Polşa ərazisinə zərbə endirməyə göstəriş verə bilər”.
Alp.az xəbər verir ki, bunu NATO-nun Avropadakı keçmiş komandanı, general Uesli Klark deyib.
“Əgər Putin NATO-nu məhv edə biləcəyinə inanırsa, taktiki nüvə silahından istifadə edə bilər. Ondan harada istifadə edəcək? Bəlkə Ukraynada yox, insanların sıx olduğu Polşada”, – general deyib.
Onun sözlərinə görə, Rusiya qoşunları NATO öz rəqibini dəstəklədiyi üçün Rusiyanın uduzduğu vəziyyəti simulyasiya edir: “Bu halda onlar taktiki nüvə silahlarından istifadə etməlidirlər. Nəticədə NATO nüvə müharibəsi istəmədiyini bəyan edir və geri çəkilir”.
Bundan əlavə, general Rusiyanın Ukraynada kimyəvi silahdan istifadə etmə ehtimalına şübhələrinin olduğunu bildirib.
Xatırladaq ki, martın 22-də Rusiya prezidentinin mətbuat katibi Dmitri Peskov amerikalı jurnalistlərə deyib ki, ölkənin milli təhlükəsizlik konsepsiyası hansı hallada nüvə silahından istifadə edilməsi anlayışlarını nəzərdə tutur.
