image-ads_2000x150
image-246780542_1923479244491511_5017000442113886784_nbackend

Pilot qayınatası və qayınanasına görə təyyarəni binaya çırpdı: ŞOK CİNAYƏTİN TƏFƏRRÜATI 

image-ads_728x90

1976-cı il sentyabrın 26-da səhər saat 08:20-də Novosibirisk şəhəri Stepnaya küçəsində yerləşən beşmərtəbəli binaya An-2 təyyarəsi çırpıldı. Təyyarəni çox hissəsi yerə, mühərrik hissəsi isə açılan dəlikdən binanın içinə düşdü. Üstəlik, sıçrayan yanacaq üzündən yanğın başladı.

Hadisənin səbəbkarı Vladimir Serkov adlı 23 yaşlı gənc idi. O, Mülki aviasiyanın Qərbi Sibir idarəsində pilot işləyirdi. Həmin binada isə qayınatası və qayınanası yaşayırdı. Onun arvadı Tatyana bir neçə gün idi ki, ondan ayrılaraq atası evinə qayıtmış və boşanmaq üçün ərizə vermişdi. Barışmaq üçün arvadını çox dilə tutan, amma uğursuz olan Vladimir sonda belə bir həm intihar, həm də qisas aksiyasına əl atmağa qərar verir.

Amma onun qisası baş tutmur. Binanın önündə yerləşən qovaq ağacı təyyarəni düz qayınatasının mənzilinə yönəltməyə mane oldu və pilləkənlər olan boşluğu taran etdi. Üstəlik, qayınatasıgildə hansısa səbəbdən heç kəs yoxmuş.

Bununla belə, qurbansız da ötüşmədi. Bəzi mənbələrdə 5, bəzilərində isə 11 nəfərin öldüyü yazılır. Ölənlərdən ikisinin 4 və 6 yaşlı qardaşlar olduğu, analarının da bir həftə sonra ürəyinin dayandığı məlumdur.

SSRİ-də adi təyyarə qəzaları gizlədilirdi, belə bir terror aktı barədə isə, əlbəttə, heç bir məlumat verilməzdi. Şahidlərin sözlərinə görə, o zaman şəkil çəkməyə çalışanlara mülki geyimli şəxslər yaxınlaşaraq fotoaparatı açır, lentinin çıxarıb zay edirdilər.

Bununla belə, bir çox faciələr sovetin son illərində və postsovet dövründə işıqlandırılsalar da, Novosibirsk cinayəti barədə məlumat indi də çox kasaddır.

Yadigar Sadıqlı

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki