Rusiya prezidenti Vladimir Putin ordusunun hərbi uğursuzluqlarla üzləşdiyi bir vaxtda Ukrayna vətəndaşlarının bombalanması əmrini verib.
Alp.Az “Amerikanın səsi”nə istinadla xəbər verir ki, bunu CBS telekanalının efirində ABŞ-ın müdafiə naziri Lloyd Ostin deyib.
“Bu gün rus qoşunları yerdəki manevrləri baxımından effektiv deyil. Onlar mahiyyətcə dayanıblar”, – deyə Ostin bildirib.
Pentaqon rəhbəri əlavə edib ki, ukraynalılar “xeyli qətiyyət nümayiş etdirib, ABŞ-ın verdiyi silah və texnikadan səmərəli istifadə ediblər və buna görə də düşmənin planlarını darmadağın ediblər.
Daha əvvəl Ostin bəyan etmişdi ki, Rusiya Ukraynaya müdaxilə zamanı ciddi səhvlərə yol verib. İşğalçı ordunun irəliləməsi plana uyğun getmədi.
ABŞ generalı Hodges, rusların qarşıdakı 10 gün ərzində Qərbin təzyiqinə məruz qalaraq hücuma daha davam edə bilməyəcəkləri nöqtəyə yaxınlaşdıqlarını söylədi.
Rüfət
Alp.Az
