Xəbər verdiyimiz kimi, Ermənistanın baş naziri vəzifəsini icra edən Nikol Paşinyan seçkilərlə bağlı çıxışında Ermənistanın 2-ci Qarabağ müharibəsi zamanı məğlubiyyətə uğramasına haqq qazandırıb və “Məğlub olduğumuz üçün fəxr edirəm” sözlərini deyib. Bu isə erməni cəmiyyətində ciddi narazılıqlar yaradıb.
Alp.az xəbər verir ki, “Mənim şərəfim var” blokunun parlamentə namizədləri siyahısında yer alan “Enaket” analitik mərkəzinin rəhbəri Tigran Abrahamyan da özünün Facebook səhifəsində Paşinyanın fikirlərinə kəskin reaksiya verib.
Onun fikrincə, Paşinyan əslində bununla etirafını bildirib:
“Bu ifadə Paşinyanın həm siyasi, həm hüquqi, həm də mənəvi cəhətdən vəzifədə olmasının son səhifəsi olmalıdır. Hesab edirəm ki, ictimaiyyətin bütün təbəqələri Nikol Paşinyanın əsl missiyası və imici ilə yanaşı müharibədəki məğlubiyyətimizin səbəbləri barədə də açıq məlumat aldılar. O, təkrar seçilməməli, ölkənin ictimai və siyasi həyatında iştirak etmək üçün heç bir fürsəti olmamalıdır”.
Namizədə görə, Ermənistan və Qarabağ ümidsiz görünən bu vəziyyətdə belə sonrakı dirçəliş fürsətinə sahibdirlər:
“Bunun üçün Paşinyan ölkə həyatından tamamilə silinməlidir”.bizimmedia
