“Nikol Paşinyan hakimiyyətə gələn dövrdə kilsənin neytrallaşdırılması istiqamətində çox ciddi addımlar atdı. Kilsənin işinə müdaxilə etdi, hətta onların qarşıdurması oldu. Hesab edirəm ki, Paşinyan hazırda kilsənin də üzərinə gedərək, cəmiyyəti buna hazırlaya bilib”.
Alp.az xəbər verir ki, bunu deputat Ceyhun Məmmədov deyib.
Deputat qeyd edib ki, Ermənistandan kilsənin hegemonluğu əvvəlki səviyyədə deyil:
“Kilsənin də, müxalifətin də, diasporanın da Paşinyana təzyiq imkanları əvvəlki kimi deyil. Əvvəlki iqtidarların dövründə, məsələn, Köçəryan və Sarkisyan iqtidarı əsas vəsaiti diasporadan alırdı. Amma Paşinyan həmin dəstəyi ABŞ-dan, Avropa İttifaqından alır. Ermənistan cəmiyyəti bir müddət əvvəl, Azərbaycanla danışıqlara getmək istəmirdi. Amma indi vəziyyət fərqlidir.
Paşinyan da bu müddət ərzində erməni cəmiyyətini müəyyən mənada bu prosesə hazırlayıb. Niyə istəmirdilər, çünki kilsənin, Daşnaqsütyunun bütün siyasəti, ideologiyası bizə qarşı düşmənçilik üzərində qurulub. Erməni cəmiyyəti də eyforiyada idi və düşünürdü ki, hər zaman belə olacaq. Amma Azərbaycan qələbə qazandı və ermənilər müharibənin acı nəticəsini yaşadılar. Bu məsələdə Paşinyan siyasi baxımdan kilsəni üstələdi”.Cebhe.info
