Ermənistanın baş naziri vəzifəsini icra edən Nikol Paşinyan Ermənistan-Azərbaycan sərhədinin bütün perimetri boyunca Rusiya sərhədçilərinin dayaq məntəqələrini yerləşdirməyi təklif edib.
Alp.az xəbər verir ki, bu haqda qəsbkar ölkə mediası məlumat yayıb.
“Biz Ermənistanla Azərbaycan arasındakı sərhədin delimitasiyası və demarkasiyası prosesinə başlamağın tərəfdarıyıq. Sərhədlərdəki vəziyyəti nəzərə alaraq Rusiya sərhədçilərinin dayaq mənntəqələrinin Ermənistan-Azərbaycan sərhədinin bütün perimetri boyunca yerləşdirilməsini nəzərdən keçirmək haqda danışmaq olar” – deyə Paşinyan bu gün hökumətin iclasında bildirib.
O qeyd edib ki, bu, Azərbaycanla sərhədlərin demarkasiyası və delimitasiyası üzrə işlərin hərbi toqquşma riski olmadan aparılmasına imkan yaradacaq.
“Biz bu məsələni rusiyalı həmkarlarımızla müzakirə etməyə hazırlaşırıq” -deyə Paşinyan vurğulayıb. moderator.az
