İkinci Dünya müharibəsi illərində Hitler Almaniyası ilə əməkdaşlıq etmiş erməni əsilli faşist Qaregin Njdedən bəhs edən filmin Moskvada nümayiş etdirilməsi, bu nümayişin qadağan edilməsi və bundan sonra baş verən inkişaflar kifayət qədər maraqlıdır və həmçinin düşünməyə əsas verir.
Alp.az xəbər verir ki, bu barədə Ermənistanın “Hraparak” nəşri yazıb.
Nəşr qeyd edib ki, filmin nümayişinin təşkili və həyata keçirilməsi bir saatın, bir günün işi deyil və bir neçə gün məlumat xarakterli bəyanat verilib.
“Buna görə də sual yaranır, məgər bu qədər “həssas” olan Rusiya səlahiyyətliləri bir neçə gün ərzində davamlı olaraq Moskvada Njdedən bəhs edən filmin nümayiş olunacağından xəbərdar olmayıblarmı ki, çıxardıqları qalmaqal olmadan əvvəlcədən bunun qarşısını alaydılar?”, – deyə müəllif yazıb.
Müəllif sual ünvanlayıb ki, məgər Rusiya nəhayət qərar veribmi ki, Ermənistan strateji müttəfiq kimi Cənubi Qafqazda ona lazımdır, yoxsa yox?
“Filmin nümayişinə Kremldə açıq şəkildə qadağa qoyulması səbəbindən dünya erməniləri arasında anti-Rusiya əhval-ruhiyyəsinin yarana biləcəyi Kreml üçün bir siqnal olmalıdır”, – deyə nəşr bildirib.
