“Görünən odur ki, Armen Sarkisyan istefa verdi. Amma Nikol Paşinyan istefa verməlidir”-Alp.az xəbər verir ki, bu fikirləri “Sputnik Ermənistan”a müsahibəsində rusiyalı siyasətçi, Dövlət Dumasının deputatı Konstantin Zatulin Armen Sarkisyanın ölkə prezidenti postundan istefa verməsi ilə bağlı bəyanatını şərh edərkən deyib.
“Hamı başa düşür ki, Sarkisyanın rolu, ən yaxşı halda, qərarların qəbuluna müdaxilə etmək üçün İngiltərə Kraliçasının roluna çevrilmişdi. Bu istefa çoxdan gözlənilirdi. Bunun belə gec baş verməsi yalnız təəccüblənə bilər. Amma bütün məsuliyyəti Nikol Paşinyan üzərinə götürüb istefa verməli idi ”- Zatulin deyib.
Rusiyalı deputatın fikrincə, prezident Sarkisyanın bəyanatının əhəmiyyəti ondan ibarətdir ki, bu, həqiqətən də Ermənistandakı vəziyyəti səciyyələndirir. Parlament çoxluğuna əsaslanan hazırkı hökumətin ölkə daxilində özünə inam üçün əsasları getdikcə azalır.
Görünən odur ki, Paşinyanın komandası daxili siyasi vəziyyətin öhdəsindən gəlmir. O da göz qabağındadır ki, hakimiyyət xarici arenada böyük çətinliklə Ermənistanın maraqlarını müdafiə etməyə çalışır.
“Yaxşı olardı ki, bir vaxtlar baş nazir Nikol Paşinyan müharibənin nəticələrinə görə bütün məsuliyyəti öz üzərinə götürüb istefa verəcəyini bəyan etsin. Bu, Ermənistanın siyasi meydanının yenilənməsinə zəmin yaradacaq. O, bunu etməyib. Qarabağda Paşinyan məğlub olub, Sarkisyan istefa verir”, – Zatulin qeyd edib.
