Çempionlar Liqasında 2-ci təsnifat mərhələsinin ilk oyunları keçirilib.
Alp.az xəbər verir ki, turnirdəki təmsilçimiz “Neftçi” Yunanıstan səfərində “Olimpiakos”la qarşılaşır.
Portuqaliyalı referi Joao Pinyeyrunun idarə edəcəyi görüş Bakı vaxtı ilə saat 23:00-da başlayıb. İlk raundda Tbilisi “Dinamo”sunu hər iki matçda 2:1 hesabı ilə məğlub edən paytaxt təmsilçisini bu dəfə daha çətin oyun gözləyirdi. 29-cu dəqiqədə qapısından qol buraxan komandamız məğlub olub.
Qeyd edək ki, bu cütün qalibi 3-cü təsnifat mərhələsində “Mura” (Sloveniya) – “Lüdoqorets” (Bolqarıstan) cütünün güclüsü ilə üz-üzə gələcək. Məğlub komanda isə Avropa Liqasının 3-cü təsnifat mərhələsində “Malmö” (İsveç) – HİK (Finlandiya) cütünün uduzan tərəfi ilə görüşəcək.
21 iyul
Çempionlar Liqası
2-ci təsnifat mərhələsinin ilk oyunu
23:00.”Olimpiakos” (Yunanıstan) – “Neftçi” (Azərbaycan) – 1:0
Qol: Kamara, 29
Qırmızı vərəqələr: Kamara, 44 (“Olimpiakos”), Mert Çelik, 63 (“Neftçi”)
Baş hakim: Joao Pinyeyru (Portuqaliya)
Pirey, “Georgios Karaiskakis” stadionu.
