Rusiya yaxın zamanda İranla hərbi əməkdaşlığını gücləndirəcək. Alp.az xəbər verir ki, bu açıqlama ilə “Rosoboroneksport”un baş direktoru yaxın zamanda İrana lazım olan silahların verilməsindən bəhs edib.
“İranla hərbi-texniki əməkdaşlığı gücləndirəcəyik. Beynəlxalq hüquq normaları çərçivəsində İranla əməkdaşlıq edəcəyik.”, – deyə Mixieev jurnalistlərə bildirib.
2016-cı ildə Rusiya İrana S-300 Favorit uzun mənzilli hava hücumundan müdafiə sistemlərinin (Almaz-Antey konserni) tədarükü ilə bağlı müqaviləni yerinə yetirib.
Həmçinin 2006-cı ilin dekabrında Rusiya İrana 29 ədəd Tor-M1 qısa mənzilli hava hücumundan müdafiə sistemlərinin tədarükü müqaviləsini də yerinə yetirib.
