Azərbaycanın ən tanınmış ödəniş sistemləri şəbəkəsi kimi özünü təqdim edən “MilliÖN” ödəmə sistemi istifadəçilrəni tələyə salmaqla məşğuldur. Redaksiyamıza müraciət edən Yaşar Məmmədov “MilliÖN” terminalı vasitəsilə ödədiyi ümümilikdə 1270 manat pulunu geri ala bilmədiyini bildirib. Alp.az açıqlamasında Bakı şəhər sakini Yaşar Məmmədov bildirib ki, iyunun 3-dən iyunun 20-nə qədər “MilliÖN” ödəmə sistemi vasitəsilə ümümilikdə 1270 manat vəsait ödəsə də bu günə qədər həmin vəsait ödədiyi ünvana çatmayıb. Şikayətçi bildirir ki, ödəmələrinin hamısını Yasamal rayonu Şərifzadə küçəsində yerləşən terminallardan ödəyib.” “MilliÖN” vasitəsilə ödədiyim vəsait ortada yoxa çıxıb. *0010 zəng mərkəzindən bildirdilər ki, sizin vəsait ünvana çatacaq. Lakin bu günə qədər həmin vəsait ünvana çatmayıb. Mən şirkətin ofisində də oldum. Lakin bu günə qədər məni aldatmaqla məşğuldurlar. Belə başa düşürəm ki, bu şirkət dələduzluqla məşğuldur. Pulu dödədikdən sonra aydın oldu ki, bu aparatların heç biri işləmir. İndi kimə müraciət edəcəyim bilmirəm. ”
Qeyd edək ki, “MilliÖN” ödəniş sistemlərindən ilk şikayət deyil. Maraqlıdır ki, dayanacaqlarda quraşdırlan heç bir terminal işləmir. Bakı Nəqliyyat Agentliyi ilə birlikdə sərnişinləri soymaqla məşğul olan bu şirkət barədə çoxsaylı şikayətlər hələ də nəticəsini vermir.
Əməkdaşımız məsələ ilə bağlı *0010 zəng mərkəzi ilə əlaqə saxlasa da operator xanım eyni sullara cavab verməklə öz vəzifəsini yerinə yetirdiyini bildirib. Əmədaşımız son 3 gün ərzində şəxsən özünün 13 manat vəsaitinin bu terminallar vasitəsilə yoxa çıxdığını bildirsə də şirkətdən bu suallara cavab ala bilməyib.
