Millət vəkili, MM Mədəniyyət komitəsinin sədri Qənirə Paşayeva və millət vəkili Fatma Yıldırım, Azərbaycandan və Türkiyədən olan bir qrup ziyalı ilə birlikdə Bərdə rayonuna səfəri zamanı rayonun Şəhidlər Xiyabanını ziyarət edib.
Alp.az xəbər verir ki, ziyarət zamanı bir qrup şəhid anaları ilə görüşən millət vəkillərimiz şəhidlərimizin 44 gün ərzində düşmənə vurduqları sarsıdıcı zərbədən danışıblar. Millət vəkili Qənirə Paşayeva və Fatma Yıldırım “dövlətimiz və xalqımız hər zaman yanınızdadır” deyərək şəhidlərimizin ruhlarına dualar oxuyublar.
Şəhid anaları ilə geniş fikir mübadiləsi aparan Q.Paşayeva, F.Yıldırım və ziyalılar onların qayğıları ilə də maraqlanıblar.
