Deputat Jalə Əhmədova Türk Dövlətləri Autizm Federasiyanın baş katibi seçilib.
5-6 avqust tarixində Türkiyənin Antalya şəhərində Türk Dövlətləri Autizm Federasiyasının növbəti toplantısı keçirilib. Milli Məclisin deputatı Jalə Əhmədovanın onlayn şəkildə qatıldığı toplantı zamanı Federasiyaya üzv ölkələrdə görülən işlər və bu sahədə olan problemlər müzakirə olunub.
Eləcə də Türk dövlətlərində autizmlə bağlı ümumi vəziyyətin, xüsusi təhsil, reabilitasiya, idman və digər fəaliyyətlərin araşdırılması istiqamətində əməkdaşlığın əhəmiyyəti vurğulanıb.
Daha sonra Türk Dövlətləri Autizm Federasiyasının müvafiq vəzifələrinə seçimlər olub. Azərbaycan Autizm Assosiasiyasının sədri Elnur Məmmədli TDAF-ın növbəti beş il üçün prezidenti, Azərbaycan Milli Məclisinin deputatı Jalə Əhmədova TDAF-ın baş katibi seçilib.
