Millət vəkili Jalə Əhmədova Salyanda şəhid ailələri ilə görüşüb. Bunu saytımıza açıqlamasında millət vəkili Jalə Əhmədova bildirib:
“Avqustun 12-də Salyan rayonunda yaşayan şəhid ailələri ilə görüşdüm.
Azərbaycanın suverenliyi, torpaqlarımızın işğaldan azad edilməsi uğrunda son damla qanına kimi vuruşaraq şəhidlik zirvəsinə ucalmış qəhrəmanlarımızın ailələrini ziyarət etdim. Şəhid ailələrinin qayğıları ilə maraqlandım. İgidlikləri ilə tarix yazmış şəhidlərimiz – mayor Vidadi Əhmədov, kapitan Kamil Şirinov, kapitan Rəşad Əliyev, leytenant Emil Əsədov və MAXE Sabir Salahova Allahdan rəhmət, yaxınlarına səbr dilədim.
Torpaq uğrunda canını fəda etmiş şəhidlərimizin ailələri, cənab Prezident İlham Əliyevin şəhid ailələri, müharibə əlilləri və veteranlarının sosial ehtiyaclarının dövlət tərəfindən ödənilməsi məqsədi ilə imzaladığı Fərman və Sərəncamları, Birinci vitse-prezident Mehriban xanım Əliyevanın bu kateqoriyadan olan şəxslərə göstərdiyi mərhəmətini və qayğısını minnətdarlıqla qeyd etdilər.
Allah bütün şəhidlərimizə rəhmət etsin.”
