Sovet dövründə və indinin özündə də baş rolu Vaxtanq Kikabidze (təyyarəçi Valiko Mizandari) oynayan “Mimino” filminin ideyası azərbaycanlı Maqsud İbrahimbəyova aiddir ?
Filmin ilk ssenarisinin Rezo Qabriadze və Viktor Tokarev tərəfindən yazılan süjeti belə idi “Kənd yerində bir qız şeir yazan və trubada ifa edən pilota aşiq olur. Film kənd qızı ilə trubada ifa edən pilot arasında sevgi hadisələri ilə davam edib, axırda toy ilə bitəcək idi.”
Ssenari hazırlanır, çəkiliş üçün hazır olan zaman rejissor Georgi Daneliyanın qonağı olan yazıçı Maqsud İbrahimbəyov ondan yeni nə film olacaq sualına cavab verəndə Daneliya ssenarini ona oxuyur. Maqsud bəy bu ssenarinin uğursuz olduğunu deyir və ona Azərbaycanda kənd yerində bir helikopter sürən pilotun hər səfərdən sonra onu oğurlanmasın deyə zəncirlə ağaca bağladığını danışır. Bu pilotun helikopteri ağaca bağlamasını gözü ilə gördüyünü deyən Maqsud İbrahimbəyovun xatirəsi Daneliyanın o qədər xoşuna gəlir ki, təcili surətdə ssenaristləri Moskvaya dəvət edir və birlikdə Maqsud İbrahimbəyov deyən kimi kənd yerində helikopteri ağaca bağlayan və sonra sevgisi üçün Moskvaya gedib iş axtaran pilot barədə ssenari yazırlar. Ssenarinin əsas məzmunu belə olur ” Ssenariyə görə təyyarəçi balaca vertolyotda uçur. Kəndliləri kinoya və kəndə daşıyır. Bir gün o, stüardessaya vurulur və Moskvaya gəlir”
Gürcüstan tərəfin ssenaristi Daneliya özü olur və filmdə zəncir, ağac, pilot və sevgi axtaran Mimino (Vaxtanq Kikabidze ) filmi daha da baxımlı edir. Maraqlı bir fakt da Georgi Daneliyanın filmə real həyatda yeni vəkil olan qız obrazını salması olur. Svetlana adlı vəkil qız real həyatda Daneliyanın qızının başına gələn hadisədən götürülüb.
Filmdə Frunzik Mıkrıtçyan oynadığı erməni sürücü obrazı əslində şans əsəri olub. Rejissor oteldə Miminonun otaq yoldaşı kimi endokrinoloji həkim rolunu oynayacaq Yevgeni Leonov olmalı idi. Amma Dilicandan erməni sürücü obrazı da maraqlı idi, hansının olması barədə rejissor və ssenaristlər qəpik atırlar və qəpiyin hansı üzə düşməsi sayəsində erməni obrazı filmə daxil olur. Qeyd edim ki, erməni obrazının əleyhinə Maqsud İbrahimbəyov etiraz etsə də, Moskvada qərar belə olur. Amma Leonov da filmdə başqa rolda oynayır.
Daha bir maraqlı fakt odur ki, Maqsud İbrahimbəyovla olan ünusiyyətin təsiri ilə rejissor filmdə həm də azərbaycanlı obrazını yaratmaq istəyir.Azərbaycanlı obrazı almasatan olmalı imiş və aktyor də seçilmiş idi. Lakin Maqsud bəy və seçilən aktyor etiraz edirlər ki, erməni sürücü olacaq, gürcü pilot olacaq və azərbaycanlı isə almasatan? Hətta bir qrup imkanlı azərbaycanlı rejissor Daneliyanı böyük restoranda qonaqlığa dəvət edib başa salırlar ki, azərbaycanlıların bu cür obrazını kinoda yaratmaq lazım deyil. Daneliya Azərbaycanlıların sözünü yerə salmır və orda azərbaycanlı obrazını çıxardır..
Dosent Zaur Əliyev
