Yəhudi səyyah və blogger Aleksandr Lapşin qanunsuz yolla yenidən Azərbaycan ərazisinə gəlib. Alp.az xəbər verir ki, Lapşin Qarabağda olaraq erməni terroçu Monte Melkumyanın abidəsini ziyarət edib. Bu fotolorı sosial şəbəkədə paylaşaraq Azərbaycana mesaj ötürüb. Maraqlıdır ki, Aleksandr Lapşin Azərbaycan ərazisinə Laçın keçidi vasitəsilə Rusiya sülhməramlılarının nəzarət etdiyi ərazidən keçib. Həmçinin Lapşin Qarabağa İrəvandan gələn deputatlarla bilrikdə gəlib. Yəqin ki, Lapşinin Qarabağa səfəri hazırlanmış bir səfərdir və bu səfərin Rusiyanın Xarici işlər naziri Sergey Lavrovun Bakıya səfəri zamanı reallaşması məqsədlidir. Qarabağda yerləşdirilinən Rusiya sülhməramlılarının Lapşini qanunsuz olaraq Azərbaycana buraxmasına yəqin ki, Xarici İşlər Nazirliyimiz öz reaksiyasını bildiriəcək.
Qeyd edək ki, Aleksandr Lapşin 2016-cı il dekabrın 15-də Azərbaycan hakimiyyətinin tələbi ilə Minskdə həbs edilmiş və 7 fevral 2017-ci ildə Azərbaycan hakimiyyətindən icazə almadan Dağlıq Qarabağa (2011-2012-ci illərdə) səfər etdiyi üçün Bakıya ekstradisiya edildi.
Bakı məhkəməsi Lapşini “Azərbaycan Respublikasının dövlət sərhədi haqqında” və “Pasportlar haqqında” qanunların müddəalarını pozmaqda təqsirli bilərək 3 il müddətinə azadlıqdan məhrum etdi. 11 sentyabr 2017 -ci il tarixində Azərbaycan Prezidenti İlham Əliyev əfv sərəncamı imzaladı və bundan sonra Aleksandr Lapşin İsrailə uça bildi. 20 may 2021 -ci ildə Strasburq AİHM bloggerin Azərbaycan Respublikasına qarşı şikayəti ilə bağlı, Lapşinə qarşı qanunsuz həbs, işgəncə və adam öldürməyə cəhddə ölkə rəhbərliyinin məsuliyyət daşıdığı haqqda qərar qəbul etdi.
Bütün bunlara rəğmən Lapşinin yenidən qanunsuz olaraq Azərbaycan ərazisinə daxil olması onu deməyə əsas verir ki, bu səfərdə maraqlı olan qüvvələr var. Yəqin ki, tezliklə Azərbaycan tərəfi blogger Aleksandr Lapşin və erməni deputatların qanunsuz səfərinə öz münasibətini bildirəcək.
