İyunun 14-də Azərbaycanda orta məktəblərdə “Son zəng” çalınıb.
Bakının 18 nömrəli tam orta məktəbində keçirilən “Son zəng” mərasimini izlədik.
Tədbirdə Bakı Şəhəri üzrə Təhsil İdarəsindən nümayəndə (BŞTİ), məzunlar, məhdud sayda müəllimlər iştirak ediblər. Karantin qaydalarına uyğun olaraq tədbir açıq havada və məzunlar arasında sosial məsafə gözlənilməklə keçirilib.
Mərasim qısa çəkib, valideyn və müəllimlər ürək sözlərini deyib və mərasim havaya şarlaırn buraxılmasıyla yekunlaşıb. Mərasimin tez yükunlaşmasına səbəb ikinci qrupun da “Son zəng”i qeyd etməsinə şərait yaradılması olub.
Şagirdlər bu vəziyyətdən razı görünməsələr də, edəcəək heç nə yoxdur. Ölkədə hələ də karantin rejimidir, qaydalara əməl olunmalıdır.
Məlumat üçün bildirək ki, Azərbaycanın ümumtəhsil məktəblərində hər il iyunun 14-də qeyd edilən bayram, məktəbin qurtardığı gün.
Son zəng SSRİ dövründə və dövlət müstəqilliyinin bərpasından sonra 2005-ci ilə qədər mayın 25-i, 2005-ci ildən 2016-cı ilə qədər isə mayın 31-də qeyd olunub.
Son zəng zamanı məktəbi bitirən 11-ci sinif şagirdləri məzun adı qazanır.
Qeyd edək ki, Nazirlər Kabineti yanında Operativ Qərargahın razılığı əsasında “Son zəng” tədbiri müəyyən edilmiş qaydalara əməl edilməklə baş tutub. Həmçinin 11-ci sinif şagirdlərinin sayı 100-dən çox olan ümumi təhsil müəssisələrində iki mərhələdə, günün müxtəlif vaxtlarında keçiriləcək. Eyni zamanda tədbirin qapalı məkanlarda (akt zalları, idman zalları, sinif otaqları, məktəbin foyesi və s) təşkil edilməsinə və tədbirdə valideynlərin iştirakına icazə verilməyəcək. 2020-2021-ci tədris ilində respublikanın ümumtəhsil məktəblərinin IX siniflərini 131 227 nəfər, XI siniflərini 84 069 nəfər şagird bitirəcək. IX sinfi bitirənlərdən 60 403 nəfəri qız, 70 824 nəfəri oğlan, XI sinfi bitirənlərdən 38 461 nəfəri qız, 45 608 nəfəri oğlandır. 2020-2021-ci tədris ilində respublika üzrə ümumtəhsil məktəbində fəaliyyət göstərən 6 110 məktəbəhazırlıq qrupunu 106 580 nəfər uşaq başa vurub. 2021-2022-ci tədris ilində respublika üzrə 158 608 uşağın I sinifdə təhsil alacağı proqnozlaşdırılır.cebhe
