İrəvanın mərkəzində polislə nümayişçilər arasında toqquşma olub.
Alp.az erməni mediasına istinadən xəbər verir ki, mitinqin altıncı günü konyak zavodu yaxınlığında müxalifət nümayəndələri ilə polis arasında qarşıdurma yaşanıb.
Hüquq-mühafizə orqanları nümayişçiləri yolun kənarına sıxışdırmağa və hərəkəti bərpa etməyə çalışıb. Təhlükəsizlik qüvvələri etirazçıları saxlayıb.
Bir neçə dəqiqədən sonra vəziyyət sakitləşib. “Müqavimət” hərəkatının koordinatoru İşxan Saqatelyan bu ərazidə hərəkəti müvəqqəti iflic etməyə müvəffəq olduqlarını bildirib və daha da irəli getməyin vacib olduğunu deyib.
Xatırladaq ki, mayın 2-də İrəvanda müxalifət qüvvələrinin təşkil etdiyi aksiyalar səngimək bilmir. Etirazçılar Qarabağla bağlı siyasətinə görə Ermənistan hakimiyyətinin istefasını tələb edirlər.
konkret.az
