image-ads_2000x150
image-000backend

İrəvan-İstanbul aviareysi açılır? – ŞƏRH:“ Proseslər Azərbaycanın razılığı əsasında… ” 

image-ads_728x90

“Bunun üçün Ermənistan Azərbaycanın tarixi sərhədlərin və ərazi bütövlüyünü tanımalıdır, eləcə də ərazi iddialarından əl çəkilmədir. Bu məsələ mütləq şərt kimi irəli sürülür”

“Ankara, Türkiyə və Ermənistan aviaşirkətlərinin İstanbul-İrəvan-İstanbul reysinin açılması üzrə müraciətlərini nəzərdən keçirir”. Bu sözləri Türkiyənin Xarici İşlər naziri Mövlud Çavuşoğlu BƏƏ səfərinin yekunları ilə bağlı jurnalistlərə açıqlamasında deyib. Onun sözlərinə görə, müraciətlərə Nəqliyyat Nazirliyi və Mülki Aviasiya Baş İdarəsi tərəfindən baxılır:
“Prinsipcə Türkiyə tərəfinin məsələyə münasibəti müsbətdir. Yaxın günlərdə hansı şirkətlərin sözügedən marşrut üzrə uça biləcəyi müəyyənləşəcək”.

Mövzunu  şərh edən analitik Rusif Məmmədsoy bildirib ki, bütün proseslər Azərbaycanın razılığı əsasında həyata keçiriləcək:

“Bu da təbiidir. Çünki Ankara-İrəvan arasında əlaqələr Azərbaycan ilə baş verən hadisələrə görə kəsilib. Nəticə etibarilə Ermənistan iqtisadi blokadaya düşüb və hansısa müsbət irəliləyiş əldə edə bilməyib. Ermənistanın baş naziri Nikol Paşinyanın dövründə müəyyən mənada canlanma müşahidə olunur. Ancaq onunla da bəzi məsələlərdə razılaşmalarımız baş tutmur. Bura Zəngəzur dəhlizi və digər məsələlər daxildir”.
Ekspert hesab edir ki, istənilən halda Türkiyə-Ermənistan arasında sərhədlərin açılması bir sıra məsələlərin artıq hazır olduğunu göstərir:
“Bu məsələr Türkiyənin şərtləri ilə əlaqəlidir. Rəsmi Ankarının ilkin şərti Ermənistanın mütləq şəkildə Türkiyə və Azərbaycana qarşı ərazi iddialarından vaz keçməsidir. Yəni rəsmi İrəvan Azərbaycanın ərazi bütövlüyünü tanımalı və sülh müqaviləsinin imzalanmasına hazır olmalıdır”.

R.Məmmədsoy İrəvan-Bakı kommunikasiyasında yaşanan problemlərə də diqqət çəkib:

“Bu problem Zəngəzur dəhlizi ilə bağlıdır. Qarşımızda Zəngəzur dəhlizinin “dəhliz” adlanmasını istəməyən bir Ermənistan var. Təbii ki, ölkə başçısı alternativ olaraq bildirdi ki, əgər bu dəhliz yoxdursa, Laçın dəhlizi də olmayacaq. Bu da Ermənistan tərəfindən bir tərəfli qarşılanmadı”.

Ekspertin qənaətincə, Ankara-İrəvan arasında aviareyslərin bərpası üçün Ermənistan Azərbaycanın tarixi sərhədlərin və ərazi bütövlüyünü tanımalıdır, eləcə də ərazi iddialarından əl çəkilmədir.:

“Bu məsələ mütləq şərt kimi irəli sürülür”.“Sherg.az”

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki