İran Xarici İşlər Nazirliyi Ukrayna müharibəsi haqqında açıqlama yayıb. Alp.az İran mediasına istinadən xəbər verir ki, İran Xarici İşlər Nazirliyinin sözçüsü Səid Xətibzadə Ukrayna- Rusiya müharibəsinin səbəblərinə toxnarkən qeyd edib ki, bu müharibə Qərbin və ABŞ-ın Rusiyaya təzyiq vasitəsidir.
“NATO-nun genişlənməsini və Qərbin Rusiyanın təhlükəsizlik zəmanətləri ilə bağlı təkliflərini qəbul etmək istəməməsini, həmçinin Rusiya ilə əvvəlki müttəfiqlik sazişlərinin pozulmasını Ukrayna münaqişəsinin əsas səbəbidir.İran hər iki tərəf müvafiq addımlar atacağı təqdirdə Ukraynadakı münaqişənin həllinə kömək etməyə hazırdır. Həm Moskva, həm də Kiyev Tehranın münaqişənin həllində vasitəçiliyinə kifayət qədər ciddi yanaşır. İran tərəfi buna cari ilin martında İranın xarici işlər naziri Hüseyn Əmir Abdullahianın Moskvaya səfəri zamanı, eləcə də Abdullahyanın Ukraynanın xarici işlər naziri Dmitri Kuleba ilə danışıqları zamanı əmin olub. Lakin Qərbin və hər şeydən əvvəl ABŞ-ın İrana münasibətini bilə-bilə, onların Ukrayna tərəfinin İranı vasitəçi kimi qəbul etməməsi üçün hər şeyi edəcəklərini güman etmək olar. İran uzun müddətdir ki, Qərbin sanksiyaları altında yaşayır və amerikalıların və onların müttəfiqlərinin dünyanın müxtəlif yerlərində vəziyyəti necə gərginləşdirdiyini yaxşı bilir. İran Xarici İşlər Nazirliyində qeyd edildiyi kimi, Vaşinqtonun rəhbərliyində olmaq istəməyən ölkələrin mənafeyinə tam məhəl qoymadan öz iradəsini tətbiq etməklə təkcə ölkələrin deyil, bütün dünya regionlarının işlərinə həyasızcasına müdaxilə etmək artıq bir cinayətə çevrilib. Ukraynadakı müharibədə əsas fiqur ABŞ-dır. Və müharibəni bu ölkə aparır” – Səid Xətibzadə bildirib.
