Saytımıza vətəndaş şikayəti daxil olub. Belə ki, son zamanlar Qarabağ qazisi adı ilə bəziləri müxtəlif qanunsuz əməllər törədir və əsl qazilərin adına xələl gətirir. Övladının pandemiya səbəbi ilə dərslərdə iştirakı üçün vətəndaş, prezident təqaüdçüsü, jurnalist T. Əhmədov Tap.az saytından işlənmiş telefon tapıb və telefonun şəklini və öz telefon nömrəsini sayta yerləşdirən Quliyev Tural Bəxtiyar oğlu ilə əlaqə saxlayıb. Quliyev Tural Bəxtiyar oğlu bildirib ki, maşınını düzəltdirmək üçün işlənmiş telefonu 150 manata satır. Özü də Qax şəhərində yaşayır. Razılaşmadan sonra Tural Quliyev poçt qəbzinin şəklini çəkərək vattsapp vasitəsi ilə vətəndaşa göndərib. Tural Quliyev bildirib ki, bir neçə günə telefon ona çatacaq. Vətəndaş da ona inanaraq T. Quliyevə telefon üçün 150 manat yollayıb. Vətəndaşın etibarından sui istifadə edən Quliyev Tural Bəxtiyar oğlu Bakı şəhərindən poçtla işlənmiş Ayfon telefonu əvəzinə vətəndaşa telefon qutusuna karton və kağız-kuğuz dolduraraq yollayıb.
Üstündən çox zaman keçdiyi üçün vətəndaş Quliyev Tural Bəxtiyar oğlu ilə əlaqə saxlasa da ona zəng çatmayıb. Vətəndaş özü poçta yaxınlaşanda oradan qutunu götürərkən çəkisinin həddən artıq yüngül olduğunu görüb və poçt işçilərinin iştirakı ilə qutu açılıb və içindən karton və yararsız kağız bükümləri çıxıb. Poçt əməkdaşları müvafiq qanuni akt yazaraq vətəndaşın iştirakı ilə Abşeron rayon Polis İdarəsinə şikayət ediblər. Polis İdarəsinin müvafiq şöbəsində araşdırma nəticəsində Quliyev Tural Bəxtiyar oğlu polisə dəvət edilsə də o imtina edərək gəlməyib. Polis isə qanunamüvafiq qaydada növbəti tədbir görülməsi üçün işə başlayıb. Lakin vətəndaşın polisə şikayət etməsindən həyəcanlanan Quliyev Tural Bəxtiyar oğlu müxtəlif telefon nömrələri ilə vətəndaşa zənglər edərək hədə – qorxu gəlib və nalayiq söyüşlərlə onu təhqir edib. Özünü və qardaşı Mərdan Quliyevi Qarabağ qazisi kimi təqdim edərək vətəndaşı ölümlə və təxribat yaradaraq ziyan vuracağı ilə real olaraq hədələyib və vəkilinin də tanınmış vəkil Tofiq Abdullayev olduğunu bildirib. Sonra bu dələduzluq hadisəsindən xəbər tutaraq tərəfimizdən mətbuatda xəbər hazırlanması ilə bağlı şikayətçi ilə əlaqə saxladıq və o məsələyə aydınlıq gətirdi. Məqalənin obyektiv olması üçün qarşı tərəfin mövqeyini öyrənmək üçün Quliyev Turalla əlaqə saxlamağa çalışdıq. O bizi də təhqir edərək ölümlə hədələdi və guya Qarabağ qazisi olduğunu dilə gətirərək şikayətçinin və mənim ailə üzvlərimlə birgə bizi məhv edəcəyini vurğuladı. Vəkilin də ona bu ixtiyarı verdiyini qeyd etdi. Qeyd edək ki, şikayətçi ilə maraqlandıqda məlum oldu ki, onun azyaşlı övladı telefon almaq üçün kassasına qəpik-qəpik yığdığı pul imiş Quliyev qardaşlarının dələduzluq yolu ilə onlardan ələ keçirdiyi məbləğ. Hazırda azyaşlı şagirdin bu hadisədən psixoloji sarsıntı keçirərək ciddi müalicə və həkim nəzarətində olması dəqiqdir.
Bizə qarşı edilən ölümlə hədələməyə görə, dələduzluğa görə və şərəf ləyaqətimizin təhqir edilməsinə görə Qarabağ qazisi adı ilə bu əməlləri törədən Quliyev qardaşları barəsində müvafiq Polis idarələrinə növbəti şikayətimizi bildirdik. Qeyd edək ki, özünü qazi adlandıran şəxs niyə onu polisə verdiyimizi əsas gətirib cinayətkar aləmin üzvləri vasitəsi ilə bizi aradan götürəcəyini də bildirir. Səs yazıları göndərərək polisi və qanunu saymadığını açıq-aşkar ifadə edir, adını çəkdiyi Allahverdiyevin sayəsində törətdiklərinin ört basdır ediləcəyinə əminliyini ifadə edir.
Əlavə edək ki, əvvəla vətəndaşın etibarından sui istifadə edərək kibercinayət törətmək, dələduzluq yolu ilə vətəndaşın əmlakını ələ keçirmək, üstəlik də polisə şikayət etdiyi üçün onu və müsahibə üçün zəng edən jurnalisti hədələyib öldürəcəyini bildirmək və özünü Qarabağ qazisi kimi təqdim etmək hər bir halda hüquq mühafizə orqanlarının ciddi araşdırma aparmasını tələb edir ki, buna inanırıq. Fəqət Quliyev qardaşları öz himayəçisi kimi adını çəkərək onun adı ilə də əlaqə təhdid edib əksinə şikayət etdiyimizə görə bizim özümüzü şantaj yolu ilə zərər vuracaqlarını dediyi Allahverdiyev kimdir əcəba? Bəlkə Allahveriyevə Quliyev qardaşlarə törətdikləri əməlləri öz xeyirlərinə nəql edərək ondan “qorxmayın, 100-200 manata görə adam tutmurlar, işinizdə olun…” cavabını alandan sonra daha da ürəklənib qarşı tərəfi ürəklə hədələyirlər?
Qarabağ qazisi adının müqəddəsliyinə xələl gətirən, bu ad altında bu boyda oyun çıxaran, qanunsuzluq edən bu şəxsləri bəlkə elə həmin şəxs himayə edir. Çünki bu əməli peşəkarlıqla törədən Quliyevin əməlləri onun bu kimi çoxsaylı belə əməllər də törətdiyinə şübhələr yaradır. Guya qardaşı rolunda olan Mərdan adlı şəxsin polisə və şikayətçiyə qardaşını gizlətdiyi halda verdiyi cavab o olub ki, guya qardaşı dispanser xəstəsidir və pis vərdişlərinə görə müalicə alır və ona görə də üzə çıxmır.
Polisin çağırışından gizlənərək üstəlik əlavə qanunsuz əməllər törədən bu dəstə haqda hüuq mühafizə orqanlarının ciddi tədbir görəcəyinə inanırıq. İşin mənəvi yöndən ən pis tərəfi məhz bu şəxslərin qazi adı ilə bu əməlləri törətməsidir. Əgər həqiqətən də qazidirlərsə, qaziyə bu cür qanunsuz əməllər törətməsinə heç bir qanun yol vermir. Əgər qazi deyillər, o adla bu işləri törədiblərsə bu daha da pis. Çünki o müqəddəs ada ləkə gətirmək, vətəndaşlara ziyan vurub hədələyərək özünü qazi kimi qələmə vermək də əlavə bir qanunsuzluq. Hər bir halda törədilən əməllərin və vurulan zərər-ziyanın hüquqi qiymət alacağına inanırıq və adı çəkilən şəxlər tərəfindən həyatımıza, ailəmizə qarşı törədilə biləcək hər hansı cinayətə görə də hüquq mühafizə orqanlarının təhlükəsizliyimizi təmin edəcəyinə əminik. Əlavə olaraq bildirək ki, Mərdan adlı şəxs şikayətçiyə mütəmadi olaraq zəng vuraraq Şuşadan silah gətidyini, onu və ailəsini qətlə yetirəcəyini bildirir. Şikayəti geri götürməyəcəyi halda özünə xəsarət yetirib şikayətçiyə şər atacağı ilə hədələyir. Abşeron rayon Polisi isə bildirib ki, şəxsləri izahat üçün dəvət etsələr də polisin dəvətinə məhəl qoymayıblar. Şikayətçi bu haqda rayon polis idarəsi və DİN 102 xidmətinə dəfələrlə məlumat verdiyini bildirir.
Qarşı tərəfin mövqeyini də işıqlandırmağa hazırıq.
