“Danışıqlar gedir. Ancaq Azərbaycan prezidenti dəhlizin olacağını əminliklə deyir. İlham Əliyev deyirsə, deməli dəhliz olacaq” – Alp.az xəbər verir ki, bunu Ermənistan parlamentin vitse-spikeri, “Ermənistan” fraksiyasının deputatı İşxan Saqatelyan bu gün jurnalistlərə müsahibəsində deyib.
İşxan Saqatelyan bəyan edib ki, o, Ermənistan hakimiyyətindən “Zəngəzur dəhlizi”nin təmin edilməsi şərtlərinin adını çəkməyi açıq şəkildə tələb edib.
“Mən əminəm ki, bu vədlər bu hökumət tərəfindən verilib. Söhbət “koridordan” və ya başqa bir şeydən getməsinin fərqi yoxdur, məzmun vacibdir. Ola bilər ki, buna “dəhliz” deməsinlər, amma sonda dəhliz olacaq”, – deyə deputat qeyd edib.
İşxan Saqatelyan müxalifətin mövqeyini təsdiqləyib: hazırkı hakimiyyət dövlətin və xalqın maraqlarına xidmət etmir. Bu vəziyyətdən çıxış yolu ümummilli və milli müqavimətdir.
“Mən bilirəm nə soruşursunuz: niyə mitinqlər keçirmirsiniz? Biz bunun üçün fəal şəkildə hazırlaşırıq. Biz küçələrə çıxacağıq, lakin mübarizəmizin avanqardını olan xalqı məyus etməmək üçün bunu daha mütəşəkkil, daha vahid şəkildə etməliyik. Ermənistan çətin sınaqlar qarşısındadır. Qarşımızda güclü olan bir dövlət var”, – deyə İşxan Saqatelyan bildirib.
