İran İslam Respublikası Parlamentinin Milli Təhlükəsizlik və Xarici Siyasət üzrə Komitəsinin sədri Mustaba Zolnurinin Azərbaycan əleyhinə fikirləri narazılıq doğurub.
Qeyd edək ki, Ermənistan mediasına açıqlama verən Zonnuri Ermənistan sərhədinin toxunulmaz qalmalı olduğunu və regionda istənilən sərhəd dəyişikliyinə sərt reaksiya verəcəklərini söyləyib.
“İran İslam Respublikasının mövqeyi aydın və qətidir: biz regionda hər hansı ərazi dəyişikliyini qəbul etmir, bütün ölkələrin ərazi bütövlüyünün saxlanılmasından yanayıq.
Həmçinin, sərhədlərimiz yaxınlığında hər hansı transregional qüvvəni də qəbul etmirik. Əgər Ermənistan ərazisinin bir hissəsini ələ keçirmək istəsələr və Ermənistanla olan sərhədlərimizdə yeni qonşu olarsa, bu bizim üçün qəbuledilməzdir. İranla Ermənistan arasında mövcud sərhəd tam saxlanılmalı və qorunmalıdır”-deyə iranlı deputat deyib.
Tanınmış ilahiyyatçı Tural İrfan bildirib ki, iranlı deputatın bu fikirləri dinə və qonşuluq prinsiplərinə ziddir: “İranlı deputatın bu mövqeyi islami dəyərlərə tamamilə əksdir. İslam dəyərlərini daşıdığını iddia edən hər şeydən öncə dini təhqir edənlərə qarşı olmalıdır. Ermənistan illərlə İslamı, dini abidələri, seyidlərin qəbrini, məscidləri təhqir edib”.
İlahiyyatçı deyib ki, illərdir haqsızlığa səs çıxarmayanlar indi Azərbaycan qarşı danışamq üçün növbəyə düzülüblər: “İranlı deputat deyir ki, İran İslam Respublikasının mövqeyi çox açıq-aydın və qətiyyətlidir. Bölgədəki hər hansı bir dəyişikliyi qəbul etmirik, bölgə ölkələrinin ərazi bütövlüyü qorunmalıdır, sərhədlərimiz yaxınlığında bölgədən kənar bir güc qəbul etmirik.
Ermənistanı və erməniləri, ermənidən daha çox müdafiə etmək, özü də haqsız qahmar çıxmaq müsəlmanlıqla, İslamla daban – dabana ziddir. Çünki ermənilərin İslami dəyərlərə və insanlığa vurduqları zərbə dünyaya məlumdur. Quranda Allaha təala buyurur ki, “iman gətirənlər qardaşdır”. Demir ki, “İranla Ermənistan qardaşdır. Yəni səhv salmaq lazım deyil”.günaz
