Daşkəsən rayonun Alıxançallı kənd sakinləri 2010-cu il təvəllüdlü İsmət Bayramov və 2000-ci il təvəllüdlü Ülfət Rüstəmov iyulun 30-da itkin düşüblər. Kənd sakinlərinin sözlərinə görə onlar həmin kənd ərazisində at gətirmək adı ilə evdən çıxaraq bir daha geri qayıtmayıblar.
Onların dumanlı havada azmaları ehtimal olunur. Alp.az xəbər verir ki, ermənilərlə cəbhə xətinin yaxınlığında yerləşən bu kənddən çıxan kənd sakinlərinin ermənilər tərəfindən əsir götürülməsi də ehtimallar içərisindədir. Bu gün erməni jurnalist Anuş Mirzoyan guya iki Azərbaycan hərbçisinin əsir götürüldüyünü yazıb. Maraqlıdır ki, ermənilər yenə öz yalanlarından əl çəkməyərək 11 yaşlı uşağı hərbçi kimi təqdim ediblər.
Hazırda hər iki şəxsin axtarışları davam etdirilir.
