image-ads_2000x150
image-583b05d2-d02d-47d9-b9e0-3a31e20400debackend

İcra başçısından yataq xəstəsi olan qaziyə şok cavab: Sənin qarşında baş əyməliyəm – FOTO/ VIDEO

image-ads_728x90

Bir ana tanıyıram, üzü nurlu. Bir ana tanıyıram, 3 əsgər böyüdüb bu vətən üçün. Bir ana tanıyıram, OĞLANLARINI vətən savaşı üçün göndərib. O, ana ki, gedin düşməni məhv edib qayıdın deyib. Bir ana tanıyıram, qururu ilə çoxlarına nümunədir. İndi o, ana kömək üçün səslənir.
1 il səsi çıxmayan, öz maddi vəsaitləri ilə övladı, bəlkə də Azərbaycanda ən ağır yaralı olan qazi balasını müalicə etdirən Rəfiqə ana.

Hamının bu qadın qarşısında baş əyməyə haqqı var. İndi o, ana və onun qazi oğlundan sizə danışacam.
44 günlük Vətən Müharibəsi başlayanda əlinə silah alıb, qardaşları ilə birlikdə savaşa atılmışdı Yusif Ağaməmmədov.

Onları isə bu savaşa anaları Rəfiqə xanım qurban deyib göndərmişdi

Çox döyüşlərdən keçdi Yusif…

Hadrutda gedən ağır döyüşlərin birində 5 güllə yarası yarası aldı.

1 bir ildir yataq xəstəsi olan Yusifin dərdini əlac edən, ona kəmək duran yoxdur. Uzunmüddətli müalicələr bu ailəni borc bataqlığına salıb. Kim yardım etməlidir?

Əslində bu yardımı edə biləcək çox imkanlı və qeyrətli vətən oğullarımız var.

Onurğa sütununda qəlpə qalan 23 yaşlı bu gənci ayağa qaldırmaq olar.
Amma bu missiyanı öz üzərinə kim götürəcək…

1 ildir bu yataq xəstəsi olan qazinin qapısını açmayan Yevlaxın icra başçısı kimlərəsə arxayın olub, qazini niyə təhqir etsin ki???

Saytımıza açıqlamasında qazimizin anası Rəfiqə Ağaməmmədova dəhşətli, həm də utancverici faktları açıqladı.
” Bu günə qədər Yevlaxın icra başçısı bir dəfə də olsun bizim qapımızı açmayıb. Qazinin evinə tort göndərmək yox, onun evinə gəlib şəraiti ilə tanış olmaq lazım idi. Amma İcra başçısı bunu özünə sığışdırmadı. Bu evdən mən iki oğul döyüşə yola salmışam. Bir ildir fəhləlik edərək övladımı müalicə etdirirəm. Artıq yoldaşım da yataq xəstəsidir. İki yataq xəstəsinə baxıram. Müraciət etdiyimi Yevlaxın icra hakimiyyətinin başçısı Anar Tağıyev “mən neyləməliyəm, qazinin qarşısında baş əyməliyəm. Yardım edəcək pulumuz yoxdur.” deyir. İcra Başçının müavini-İctimai-siyasi və humanitar məsələlər şöbəsinin müdiri Elnarə Əzizova da icra başçısından ilham alaraq məni təhqir edir. Mən nə etməliyəm. Evimdən danışmağa dəyməz. Evin uçub başımıza tökülür. Bizə dəstək olan olsa övladım ayağa qalxacaq.  Ölkə başçısı Cənab İlham Əliyevdən, ölkənin birinci vitse-prezidenti Mehriban Əliyevadan kömək istəyirəm. Mənim oğlum Vüqar Ağaməmmədovun müalicəsi üçün bizə yardım edin.”

P.S. Bu ailəyə yardım etmək istəyənlər bu nömrə ilə, 051-444-13-15 əlaqə saxlaya bilərlər. Bu qazimizin anası Rəfiqə xanımın əlaqə nömrəsidir.

Alp.az

Loading...
image-ads_728x90

  • whatsapp
  • messenger
  • telegram
  • vkontakte
  • odnoklassniki