“Gorusdan Meğriyə qədər təxminən 45 km məsafəyə Azərbaycan nəzarət edir.Bu yolun 21-kilometrliyi yolun Qorus-Qafan hissəsində, qalanı isə Qafan-Çakaten hissəsindədir. Biz çətin vəziyyətlə üz-üzəyik”, – Alp.az xəbər verir ki, bu açıqlamanı Ermənistanın keçmiş baş naziri Hrant Baqratyan jurnalistlərə bildirib.
O qeyd edib ki, Paşinyan bu yaşayış məntəqələri üçün Azərbaycan adlarından istifadə edir, çünki o, öz əməlinə haqq qazandırmağa çalışır.
“Paşinyanın, eləcə də Ermənistan Respublikasının prezidenti Armen Sarkisyanın əməyi nəticəsində bu yollar Azərbaycana verilib. Biz 2020-ci il dekabrın 18-də Qorus- Qafan hissəsi ilə bağlı yeni saziş imzaladıq”, – deyə Hrant Baqratyan bildirib.
