“Gürcüstan Türkiyədə keçirilməsi planlaşdırılan ikinci 3+3 görüşündə iştirak etməyəcək.” Alp.az xəbər verir ki, bunu Türkiyə mətbuatına müsahibəsində Gürcüstanın Türkiyədəki səfiri Georgi Cancqava deyib.
Ötən həftə Türkiyənin xarici işlər naziri Mövlud Çavuşoğlu Gürcüstanın Türkiyədə keçirilməsi planlaşdırılan platformanın ikinci iclasında iştirak edəcəyinə ümid etdiyini bildirmişdi.
Gürcüstanın Türkiyədəki səfiri Georgi Cancqava izah edib ki, Gürcüstan Türkiyə və Azərbaycanı strateji tərəfdaşlar hesab edir.
“Lakin Rusiya Gürcüstan ərazisinin 20 faizini işğal edən ölkədir”, – Cancqava bildirib.
Xatırladaq ki, “3+3” formatında ilk görüş dekabrın 10-da Moskvada keçirilib. İclasda Türkiyə, Rusiya, İran, Azərbaycan və Ermənistanın xarici işlər nazirlərinin müavinlərinin başçılıq etdiyi nümayəndə heyətləri iştirak edib. Görüşdən bir gün əvvəl Gürcüstan Xarici İşlər Nazirliyi Gürcüstanın “3+3” görüşündə təmsil olunmayacağı ilə bağlı bəyanat yayıb.
