Fransada prezident seçkilərində hazırki prezident Emmanuel Makron əsas rəqibi sağçı namizəd Marin Le Peni qabaqlayıb.
APA-nın xəbərinə görə, Daxili İşlər Nazirliyi səslərin 95%-ni sayıldıqdan sonra Makronun 27,41% səs (9 091 679 seçici) topladığını bildirib. Ikinci yerdə gələn Le Pen isə 24,03% səs (7 970 921seçici) toplayıb.
Jan-Lük Melanşon seçicilərin 21,57%-nin etimadını qazana bilib. Digər namizədlərin topladığı səs 0,6 ilə 6,9% arasında dəyişir.
Artıq proqnozlaşdırılır ki, Makron və Le Pen ikinci tura keçəcəklər. Solçularrın namizədi Jan-Lük Melanşon isə öz seçicilərini növbəti turda qətiyyən Le Penə səs verməməyə çağırıb.
