Ermənistanda prezidentliyə namizədin adı açıqlanıb. Alp.az xəbər verir ki, bu hakim komandanın namizədi Vaaqn Xaçatryandır.
“Armen Sarkisyanın istefasından sonra mətbuatda müxtəlif şəxslərin adları hallanmağa başlayıb: Ararat Mirzoyan, Alen Simonyan, Arayik Arutyunyan və başqa adlar. Lakin son vaxtlar Arayik Arutyunyanın adı əsasən təsdiq edilmiş namizəd kimi dövriyyəyə buraxılıb.
Lakin dünən mətbuatda Arutyunyanın namizədliyinin ictimaiyyət tərəfindən mənfi qarşılandığı barədə məlumat yayılıb.Bu arada hakim partiya Vaaqn Xaçatryanın namizədliyini irəli sürmək qərarına gəlib.” -bunu politoloq Armen Hovhannisyan deyib.
Erməni mətbuatı iddia edir ki, Levon Ter-Petrosyanın siyasi komanda yoldaşı olan Vaaqn Xaçatryanın namizədliyini Paşinyan hökumətinə elə Levon Ter-Petrosyan verib.
Qeyd edək ki, Vaaqn Xaçatryan 1990-cı illərdə Yerevanın meri olub və Levon Ter-Petrosyanın ən yaxın dostu hesab edilir.
Qeyd edək ki, Vaaqn Xaçatryan Ermənistanda Azərbaycanla sülh tərəfdarı olan şəxslərdən biridir.
