Ermənistan Silahlı Qüvvələrinin Hazırlıq Baş İdarəsinin rəisi, Ermənistan Silahlı Qüvvələrinin Baş Qərargah rəisinin müavini Andranik Makaryana qarşı ittiham irəli sürülüb.
Alp.az xəbər verir ki, bu barədə Ermənistan İstintaq Komitəsinin mətbuat katibi Vardan Tadevosyan bildirib.
“Andranik Makaryana qarşı Ermənistan Cinayət Məcəlləsinin 376-cı maddəsinin 3-cü hissəsi üzrə, qətimkan tədbiri olaraq uzaqlaşmamaq barədə imzaçəkmə seçilib”, – deyə o qeyd edib.
Ermənistan Cinayət Məcəlləsinin 376-cı maddəsinin 3-cü hissəsi laqeyd xidmətə qarşı müəyyənləşdirir: bu maddənin birinci və ya ikinci hissəsi ilə nəzərdə tutulmuş əməllər hərbi vəziyyət, müharibə zamanı və ya döyüş hallarında törədilibsə, 4 ildən 8 ilə qədər həbs cəzası ilə cəzalandırılırlar.
