Ermənistanla Azərbaycan arasında hələ sovet vaxtı mövcud olan və iki ölkəni birləşdirən avtomobil yolunun təmiri və inşasına start verilib. Bu barədə Ermənistan rəsmiləri məlumat yayıblar.
Həmin məlumata əsasən M-4 adlanan magistral yolun 91-176 km aralığındakı hissə təmir edilir. Həmin yol İrəvan-Göycə-İcevan-Azərbaycan dövlətlərarası avtomobil yolu kimi qeyd edilir. Ermənistanın Tavuş rayonu ərazisindən keçərək, Dilican dərəsinə qədər uzanır. Rəsmi məlumatda deyilir ki, Tavuş rayonu istiqamətində və Dilican dərəsindəki döngələrdə 5 km-lik yolun əsaslı təmirinə başlanılıb. Həmin tikinti işləri M-4 və M-8 magistral yolunun kəsişməsinə qədər davam etdiriləcək.
O da bilidirilir ki, Ermənistan hökuməti yolun təmiri üçün büdcədən 2.5 milyon dollar pul ayrılıb. Yolun ilin sonuna qədər istifadəyə veriləcəyi nəzərdə tutulub.
