“Ermənistan Silahlı Qüvvələrinin nəzarəti altında olan Sovet Azərbaycanına məxsus ərazilər var”. Alp.az xəbər verir ki, erməni nəşri “168”-də bu fikirlərin Nikol Paşinyana aid olduğunu bu gün dərc olunan məqalədə qeyd olunub.
Müəllif yazıb ki, məsələn, iyul hadisələrindən məşhur olan “Qorxmaz” mövqeyi neytral zona ola bilər, ermənilər Şəmşəddindən, Noyemberyandan mövqelər itirə bilərlər.
Müəllif bildirir ki, artıq cana doymuş erməni xalqı iqtisadi çətinlikdən qurtarmağa ümid edir. Rəsmi İrəvanın mövqeyi nədir?
Məqalədə qeyd edilir ki, yaxın zamanda Ermənistan Azərbaycanla hərtərəfli razılığa gələcək.
“Tavuşda SSRİ xəritəsinin tətbiq olunması halında mümkündür ki, Voskepar yolundan artıq istifadə edə bilməyək və Azərbaycan bütün yolu götürsün, çünki SSRİ xəritəsinə görə, onların ərazisindən keçir. Yəni, birdən SSRİ xəritəsi Tavuş vilayətinə şamil edilsə, biz Voskepar yolunu, Azatamut (İcevan-Bred), Kirants və Voskepar sektorlarını (İcevan-Noyemberyan) itirəcəyik”, – deyə məqalədə bildirilib.
