Noyabrın 11-i gecə saat 12-dən etibarən Azərbaycan Gorus-Qafan yoluna gömrük nəzarət məntəqələri yerləşdirib. Alp.az xəbər verir ki, bu haqda Ermənistan İctimai Televiziyaya müsahibəsində Ermənistan Təhlükəsizlik Şurasının katibi Armen Qriqoryan deyib.
“Bu gün Azərbaycan tərəfi erməni tərəfinə bildirib ki, bu gün saat 12:00-dan etibarən Gorus-Qafan yolunda sərhəd və gömrük nəzarəti funksiyasını yerinə yetirəcək, yəni gömrük postları yerləşdirəcək. Bildirmək istəyirəm ki, Ermənistan tərəfi müvafiq addımlar atacaq, yəni yolun bu hissəsində gömrük və sərhəd məntəqələri yaradacaq”, – deyən Qriqoryan əlavə edib.
Erməni mediası bu xəbəri təlaşla qarşılayıb. Erməni Teleqram kanalları iddia edir ki, Armen Qriqoryanın açıqlaması sadəcə sözdən ibarətdir. Çünki yol bütünlüklə Azərbaycan tərəfinin nəzarətindədir.
