44 günlük Vətən müharibəsində darmadağın edilən erməni ordusu özünə gəlməyə çalışır. Alp.az xəbər verir ki, ermənilər Laçın keçidi vasitəsilə Qarabağa yeni hərbi texnikalar gətirərək, hərbi hissələr formalaşdırılır. Erməni teleqram kanalların yaydığı peyk görüntülərində Xankəndi, Xocalı, Ağdərə yaxınlığında yeni hərbi hissələrin formalaşdırıldığı aydın görsənir.
Peyk fotoşəkillərindən aydın görsənir ki, Xankəndi yaxınlığında 10 ədəd D-20 və Ağır artilleriya qurğuları yerləşdirilib. Həmçinin ərazidə hərbi texnikalar da nəzərə çarpır.
Ağdərə yaxınlığındakı hərbi hissədə 7 ədəd D-20 və 8 ədəd. D-30 topları yerləşdirilib.
Xocalı şəhəri yaxınlığında isə 8 ədəd D-44 və D-30 haubitsaları var. Ərazid həmçinin 8 hərbi yük maşını görsənir.
Maraqlıdır ki, bu texnikaların çoxu, 10 noyabr 2020-ci ildə imzalanan bəyanatdan sonra Qarabağa gətirilib.
