1988-ci ildən başlayaraq ermənilər silahsız Azərbaycan vətəndaşlarına qarşı soyqırıma başladılar. Erməni daşnak dəstələri silahlanaraq Qarabağda azərbaycanlıların yaşadığı kəndləri hücüm edir, qarət və qətllər həyata keçirdirdilər. Alp.az xəbər verir ki, bütün çətinliklərə baxmayaraq Azərbaycan 30 il öncə, 30 aprel 1991-ci ildə “Koltso“(Üzük) əməliyyatını keçirdi.
1991-ci ilin aprelində Azərbaycan rəhbərliyi DİN və MTN qüvvəllərinin vasitəsilə erməni separatçılarını zərərsizləşdirmək və Qarabağ və ermənilərin yaşadığı ətraf rayonlarda Azərbaycanın nəzarətini bərpa etmək “Koltso“(Üzük) əməliyyatının keçirilməsinə başladı.
Bu əməliyyatın nəticəsində:
Xankəndidə erməni silahlı dəstələrinin 10-a yaxın başçısı həbs edildi, şəhər əhalisindən silahlar yığıldı;
Hadrut rayonunda ermənilərin blokadaya aldıqları azərbaycan kəndlərinin blokadası yarıldı və 14 erməni kəndinin əhalisi Ermənistana köçürüldü. Həmin kəndlərdə Ermənistan qaçqınları və məshəti türklər məskunlaşdırıldı.
Xanlar rayonu, Gəncə ətrafı və Kəlbəcər yolunun üstündə yerləşən Azad, Kamo, Çaykənd, Mənəş, Ərkəc və başqa kəndlərdəki erməni yaraqlıların ən böyük hərbi silah- sursat, ləvazimat bazaları və 80-ə yaxin erməni yaraqlısı məhv edildi. Erməni əhali Ermənistana köçürüldü.
Şaumyan(Ağcakənd) rayonunda bir neçə erməni kəndləri boşaldılıb, Ermənistana köçürüldü.
Eyni zamanda Ağdərə (Mardakert) və DQ-ın başqa rayon mərkəzlərində və kəndlərində pasport yoxlama rejimi tətbiq olunmaqla Ermənistan, Suriya, Livan, Fransa, ABŞ və başqa ölkələrdən gəlmiş bir çox erməni döyüşçüləri və emissarları aşkar olunub, həbs edildilər.
Lakin əməliyyat başlayandan dünya ermənilərinin qopardıqları səs-küy, əməliyyatın gedişində məcburi fasilələr yaratdı.
