“Biz danışıqlardan imtina etməliyik. Bu danışıqlar bizə heç bir divident gətirməyəcək”- Alp.az xəbər verir ki, bu açıqlama ilə “Ermənistan” fraksiyasından olan deputat Qeqam Manukyan çıxış edib.
“Türkiyə ilə danışıqlar bizə nə verəcək. Bəllidir ki, biz Türkiyə ilə danışıqlardan nə qazanacağımı bilmirik. Mən hesab edirəm ki, regionda heç bir irəlləyiş olmayacaq. Hər hansı bir danışıq və ya barışıq bizim 100 illik düşmənçiliyimizə son qoya bilməz.” – deputat Qeqam Manukyan bildirib.
Xatırladaq ki, yanvarın 14-də Moskvada Ermənistan və Türkiyənin xüsusi nümayəndələri Ruben Rubinyan və Serdar Kılıçın Ermənistan-Türkiyə münasibətlərinin normallaşması prosesi ilə bağlı ilk görüşü keçirilib.
Ermənistan Xarici İşlər Nazirliyinin mətbuat xidmətinin məlumatına görə, konstruktiv şəraitdə keçən ilk görüşdə xüsusi nümayəndələr Ermənistan və Türkiyə arasında dialoq yolu ilə nizamlanma prosesi ilə bağlı fikir mübadiləsi aparıblar.
“Tərəflər ilkin şərt olmadan münasibətlərin tam nizamlanmasına yönəlmiş danışıqları davam etdirmək barədə razılığa gəliblər. İkinci görüşün tarixi və yeri diplomatik kanallar vasitəsilə vaxtilə müəyyən ediləcək”, – XİN-dən bildiriblər.
