Rusiya sülhməramlılarının nəzarətində olan Xankəndində yaşayanlar etiraz aksiyasına başlayacaq. Alp.az xəbər verir ki, bu barədə məlumatı erməni sosial şəbəkə istifadəçiləri yayıb. Yayılan xəbərə görə qondarma rejim əhalinin ruh yüksəkliyini artırmaq üçün Xankəndində konsertlər təşkil etməyə başlayıb. Bu konsert afişaları ermənilərin etirazına səbəb olub. Bir qrup erməni Xankəndində olan bütün konsert afişalarını sökərək etirazlarını bildiriblər. “Biz 9 aydır övladlarımızı axtarırıq. Təkcə Xankəndində 67 nəfər valideyn öz övladlarını tapa bilmir. İndi konsert verənlər birinci bizim övladlarımızı tapsın”- deyə Suzanna Balasanyan bildirib.
Polis plaktları sökənlərdən 5 nəfəri həbs edib. Bunun ardınca övladlarını axtaran erməni anaları bu gün səhər etiraz mitinqinə başlayıb.
