Bu gün günorta saat 16:15 radələrində Qarabağdakı qanunsuz erməni silahlı birləşmələri səngər qazaraq, möhkəmlənmə işləri apardıqları müşahidə edilib və bu işlərin qarşısı dərhal alınıb. Alp.az xəbər verir ki, bu barədə Azərbaycan Müdafiə Nazirliyi məlumat yayıb.
Erməni mediası isə orduda ciddi problem olduğunu yazır. Ermənilərin Armdaily.am saytı bildirir ki, Ağdamda yerləşən hərbi hissədə erməni əsgər və zabitlər arasında problem yaranıb. Əsgərlərin zabitlərə atəş açması nəticəsində 1981-ci il təvəllüdlü Qarabağdakı qanunsuz silahlı dəstənin polkovnik- leytenantı Xaçatur Qaqik oğlu Xaçatryan ölüb daha 4 zabit isə ağır yaralanıb.
