Ermənistan Korrupsiyaya Qarşı Mübarizə Komitəsi keçmiş baş prokuror Aqvan Hovsepyana qarşı başlanmış cinayət işi üzrə ibtidai istintaqın başa çatdığını elan edib. Alp.az xəbər verir ki, bu barədə “Joxovurd” qəzeti yazıb.
Nəşr bildirir ki, Ermənistanın keçmiş baş naziri Ovik Abramyan, “Orinat Yerkir” partiyasının sədri, Təhlükəsizlik Şurasının keçmiş katibi Artur Baqdasaryan, deputatlar və adları yaxın vaxtlarda açıqlanacaq digər rəsmilər də cinayət işi üzrə dindirilib.
İstintaq orqanının məlumatına görə, 2004-2013-cü illərdə Aqvan Hovsepyan külli miqdarda dövlət əmlakını mənimsəyib. İstintaq Komitəsinin araşdırmasına görə sabiq baş prokuror 190 milyon dram məbləğində rüşvət alıb və dələduzluq yolu ilə 800 milyon dram məbləğində əmlakı mənimsəyib. Aqvan Hovsepyan 1 milyard 300 milyon dramdan çox vəsaiti öz şəxsi hesabına keçirib.
