“Ermənistan ordusunun yüksək rütbəli zabitləri arasında parçalanma var. Döyüş generalları yeni müdafiə naziri Suren Papikyanı qəbul etmək istəmir”- Alp.az xəbər verir ki, bu barədə Ermənistanın “Joğovurd” nəşri yazıb.
Qəzet iddia edir ki, artıq Ermənistan Silahlı Qüvvələrinin Baş Qərargah rəisi Artak Davtyanın qeyri-rəsmi olaraq işdən uzaqlaşdırılıb.
“Ermənistan Silahlı Qüvvələrin Baş Qərargah rəisini əvəz edə biləcək münasib kadr olmadığından yeni təyin olunan nazir hələ tələsmir və hazırda kadr araşdırması gedir. Lakin orduda olan köhnə eşalonun generalları yeni nazirə itaətsizlik nümayiş etdirir. Bu itaətsizliyin nəticəsini artıq gizlətmək mümkün deyil”- deyə nəşr qeyd edib.
