Ermənistanı silkələyəcək yeni qalmaqalın əsası qoyulub. Alp.az xəbər verir ki, ermənilərin “Joqovurd” qəzeti Ermənistan Silahlı Qüvvələrinin Baş Qərargah rəisi Artak Davtyanın Ermənistanın keçmiş müdafiə naziri David Tonoyana, iş adamı, silah alverçisi, Baş Qərargah rəisinin keçmiş müavini David Qalstyana qarşı açılan cinayət işində verdiyi ifadənin yeni təfərrüatlarını açıqlayıb. Nəşrin açıqladığı yeni ifadələrdən aydın olur ki, generallar köhnə silahları alaraq onu yeni silah kimi orduya satıblar.
“Aparılan istintaq zamanı generallar faktları təsdiq ediblər. Əldə etdiyimiz məlumata görə, Artak Davtyan müstəntiqin suallarına və ona qarşı irəli sürülən ittihama cavab olaraq yalnız belə yazıb: “Hüququmdan istifadə edərək, ittihamı qəbul etmirəm, etiraz edirəm və ifadə verməkdən imtina edirəm”. Qeyd edək ki, Ermənistan Milli Təhlükəsizlik Xidmətinin yaydığı məlumata görə, bu cinayət işi Silahlı Qüvvələrin ehtiyacları üçün sursatların tədarükü prosesində iddia edilən sui-istifadə hallarından və xüsusilə külli miqdarda oğurluqdan, xüsusən də silah-sursatın alınmasından gedir. Müdafiə Nazirliyi tərəfindən istifadəyə yararsız təyyarə raketləri alınıb və bu raketlər də yarasız olub”, – qəzet yazır.
