Erməni jurnalist, “Hetq” qəzetinin baş redaktoru Edik Bağdasaryan Ermənistan-Azərbaycan sərhəddində baş verənləri şərh edib. Alp.az xəbər verir ki, öz sosial şəbəkə hesabından sərhəd zolağından baş verənləri şərh edən Bağdasaryan erməniləri reallıqla barışmağa cağırıb:”Ermənistan-Azərbaycan sərhəddində baş verənlər sadəcə sərhəd xətlərinin müəyyən edilməsidir. Bu hadisəni bu qədər qabartmaq əslində bizim ziyanımızadır. Azərbaycan tərəfini qıcıqlandırdıqca daha çoxuna nail olur. Zəngəzur söhbəti ortaya atılanda Azərbaycandan çox bizim mətbuat bu məsələni gündəm etdilər. Və nə baş verdiyini anlamalısınız. İndi Azərbaycan xalqı hökumətlərindən Zəngəzuru almaq üçün hərəkətə keçməsini istəyir. Reallıq budur Azərbaycan sərhədlərini müəyyənləşdirənə qədər davam edəcək. Çoxları düşünür ki, bu baş verməyəcək. Amma Azərbaycan hətta yaddan çıxan Qazaxın kəndlərini də öz ərazisinə qatacaq. Reallıqla barışmalı Azərbaycandan bunun müqabilində daha çox şey tələb etməliyik. Hesab edirəm düşmənçilik etməsək, Azərbaycan və Türkiyə bizə Rusiyadan daha çox xeyir verə bilər.” Jurnalistin şərhi onun hədələnməsi ilə nəticələnib. Sosial şəbəkələrdə Edik Bağdasaryanı ölümlə hədələyiblər…
.
Erməni jurnalist: “Azərbaycan istədiyi hər şeyi alacaq”
