Erməni hərbi ekspert Van Hambardzumyan Azərbaycan ordusu ilə xidmətdə olan snayper silahlarının unikal imkanlarından danışıb.
“Mən elə bir hadisə bilirəm ki, son Qarabağ müharibəsi zamanı… 940 metrdən tüfəng BTR-80 zirehli transportyorunun böyründən deşib keçmişdi”.
Ekspert bu barədə Budroo News-un efirində bildirib.
Hambardzumyan qeyd edir ki, Azərbaycan snayper tüfənglərindən çox səmərəli istifadə edib: “Xüsusilə onlar Türkiyə istehsalı olan ASELSAN termal nişangahı ilə təchiz olunduqda, ondan iki min metr məsafədə zirehli texnikaya atəş açmaq mümkün olur. Mən belə bir hadisə bilirəm. Son Qarabağ müharibəsi zamanı oradan atəş açmışdılar… 940 metrdən BTR-80 zirehli transportyorunun yan tərəfini deşmişdilər. BMP-2-nin (piyada döyüş maşını) 715 m-dən deşilməsi olub. Dəlib keçirdi. Təsəvvür edin, bu maşının içərisində əsgərlər oturub. Dəbilqədə piyada döyüş maşınında oturublar və mərmi maşını deşib keçir”.
