Ermənistan hakimiyyəti silahlı qüvvələrin sabiq Baş Qərargah rəisi, general Movses Akopyanın məhkəmədə 44 günlük müharibə ilə bağlı açıqlayacağı faktlardan qorxur.
Alp.az xəbər verir ki, bu barədə erməni media qurumları bildirib.
Erməni mediası yazıb ki, general Akopyan hərbi sirləri açıqlamaqla müharibədə Azərbaycana yardımçı olub. Məhz buna görə siyasi hakimiyyət məhkəmə iclasının bağlı qapılar arxasında keçirilməsi barədə göstəriş verib.
Qeyd edək ki, Ermənistan Milli Təhlükəsizlik Xidməti general Akopyanın müharibənin gedişatı ilə bağlı qalmaqallı açıqlamalar verməsinə və dövlət sirri təşkil edən məlumatları açıqlamasına görə cinayət işi açıb.
Artıq aydın olub ki, generalın məhkəmə prosesi qapalı keçiriləcək. Bu isə onunla izah edilir ki, Akopyan məhkəmə prosesi zamanı müharibəyə dair elə faktlar açıqlaya bilər ki, bu, mövcud hakimiyyət üçün problem yarada bilər.
