“Qəribə bir proses müşahidə edilməkdədir. Ermənistan parlamentinin sədri Alen Simonyan deyir ki, Azərbaycanda heç bir hərbi əsir yoxdur. Onlar əsir düşməməli, ölməli idilər. Təsəvvür edirsiniz? Simonyan “hərbi əsirləri” fərari adlandırır”.
Bu fikirləri açıqlamasında Beynəlxalq Münasibətlər üzrə şərhçi Əziz Əlibəyli səsləndirib. O bildirib ki, çox sayda hərbi əsir və itkin düşənlərin valideynləri Ermənistan Nazirlər Kabinetinin binasının yerləşdiyi Respublika meydanına gedən küçələri bağlamaq üçün mövcud qüvvələrdən istifadə etmək qərarına gəlib: “Mintiqlər davam edir. Ən dəhşətlisi isə odur ki, Azərbaycanın Ermənistana qaytardığı hərbçilərin bir hissəsi həbs olunub. Bu barədə Ermənistan İstintaq Komitəsi məlumat yayıb. Azərbaycanın qaytardığı on hərbçidən beşi saxlanılıb. Onlar hərbi xidmət və döyüş növbətçiliyi qaydalarının ağır nəticələrə səbəb olan pozulmasında ittiham edilib. Hazırda saxlanılan şəxslər barəsində istintaq tədbirləri davam edir”.
Əlibəyli mövcud mənzərəni belə təsvir edib:
1. Erməni gənclərini kim ölümə göndərir?
2. Paşinyan hakimiyyətinin məqsədi nədir?
3. Əsirlərin valideynləri Nikol hökumətinə qarşı hansı arqumentlərlə etiraz edir?
4. Bu, övladlarını hərbi xidmətə yollayacaq ailələr üçün hansı presendent yaradır?
Görünən odur ki, ordu üzərində mülki hakimiyyətin nəzarət mexanimzi hazırlanır. Paşinyan bu addımla təkcə üsyankar ordunu ram etməyəcək. Eyni zamanda övladlarını orduya yola salaraq hərbi revanşizmə dəstək olan valideynlərin də cəzalandırılmasını bu yolla reallaşdırır” – deyə ekspert fikirlərini tamamlayıb.konkret.az
