Aprelin 27-si axşam Ermənistanın Qeğarkunik vilayətinin Vardenis şəhərində mübahisə olub.
Vardenis sakini, 44 günlük müharibənin iştirakçısı Hakob Boxyan bildirib ki, mübahisə Ermənistanın Baş naziri vəzifəsini icra edən Nikol Paşinyanı müdafiə etmək-müdafiə etməmək məsələsi üzrə baş verib və Paşinyanı aşağılamağa görə onun üzərinə silah qaldırıblar.
“Mən müharibə başladıqdan sonra Rusiyadan gəldim, müharibədə iştirak etmişəm. Ömərə, Qarabağa getmişəm. Bu gün Vardenisdə silahlarla gəzən, Nikolu müdafiə edən insanlar var, mən də Nikol mənim üçün adam deyil demişəm, söymüşəm. Döyüş sahəsini, ölmüş uşaqlarımı gördüyüm üçün söymüşəm, yaxşı etmişəm. Paşinyanı söydüyümə görə üzərimə silah çəkiblər”, – deyə o qeyd edib.
